Word Raakgesien
3 Maart 2010
Dit gaan daaroor om raakgesien te word. Hier is 'n paar wenke oor aanlyn flirtasies of afsprake:
Jou Profiel
Dink bietjie daaroor - as jy uitgaan met die hoop om iemand te ontmoet sal jy waarskynlik beplan wat jy gaan aantrek en wat nie, afhangende van die tipe persoon wat jy wil ontmoet. Dieselfde gaan vir jou aanlyn profiel.
Dis is 'n ou gesegde dat eerste indrukke blywend is en dit was nog nooit meer waar as juis aanlyn nie; jy mag dalk net 'n paar sekondes hê om die regte indruk te skep. So, vat 'n oomblik of twee rondom jou beplanning. Belangrikste van alles, wees eerlik. As jy jouself voorgee as Arnie in The Terminator, en eintlik lyk soos 'n Mr Bean dubbelganger, gaan jy waarskynlik 'n wankelrige begin hê.
Kom ons kyk na die basiese:
Jou Skuilnaam en Profiel Opskrif
Kies iets wat iets oor jouself en moontlik die tipe persoon wat jy probeer lok sê. As jy jouself JacuzziBabe noem, moenie verbaas wees as jy honderde boodskappe lok van ouens wat nie geïnteresseerd in 2.4 kinders, 'n hond en 'n stasiewa is nie. As jy wel opsoek is na 'n bietjie borrelende pret, is jy in die kol.
Jou Profiel Inhoud
Jy sal opmerk dat die meeste vrae die opsie het om weggelaat te word. Dink oor dié wat jy weglaat. Jy mag dalk verkies om spesifieke vrae (jou geloof, bv.) nie te antwoord nie maar om sommige van die ander (soos bv. oogkleur) weg te laat, laat jou profiel slordig lyk. Vat 'n bietjie tyd om jou 'vertelling' afdeling te voltooi. Ons is nie almal Oscar Wilde nie, maar 'n paar goeie sinne sal sorg dat jy raakgesien word.
Foto's
Dis 'n feit: profiele met foto's kry meer aandag. Kies foto's wat duidelik en skoon is. Gebruik verkieslik foto's waarop net jy is, om verwarring te voorkom. Jou vriende en familie wil dalk nie aanlyn gesien word nie, so respekteer hulle privaatheid.
Hou Jou Profiel Op Datum
Kry jy nie die aandag en reaksies wat jy wou nie? Hersien jou profiel gereeld en bring dit so elke nou en dan op datum. Hou dit vars!
'n Paar eenvoudige idees en jy behoort 'n goeie begin te hê!
