Opsitkers

Veiligheid

Veiligheidswenke wat aanlyn werk...en af ook

Ons modereer alle profiele en foto's, hou jou persoonlike besonderhede privaat en veilig, en laat jou toe om boodskappe te stuur en te ontvang sonder om jou ware identiteit te openbaar. Maar veilige afsprake vereis ook 'n mate van werk jou af.

1. Kies 'n skuilnaam wat nie die spel weggee nie

Ons sal jou skuilnaam verander as dit te naby aan jou regte naam is (gaan lees ons privaatheidsbeleid hier). Onthou dat oordrewe seksuele, uitlokkende of kontroversiële skuilname die verkeerde tipe aandag sal trek.

2. Wees 'n bietjie misterieus...

Moenie al jou besonderhede in die eerste paar e-posse uitgee nie. Noem jou eerste naam, maar nie jou van nie; vertel die potensiële pasmaat in watter industrie jy werk, maar moenie die maatskappy se naam gee nie.

Moenie X (Twitter) name uitdeel of te vinnig met potensiële pasmaats op Facebook vriende maak nie en as jy besluit om die gesprek na e-pos te skuif, oorweeg dit om 'n e-posadres te skep wat nie jou volle naam ontbloot nie.

3. Neem beheer

Een van die beste dinge van aanlyn afsprake is dat jy self die spoed waarteen jy beweeg vasstel. Moenie onder druk voel om op die foon te gesels, te ontmoet of selfs persoonlike besonderhede soos jou volle name, foonnommer, e-posadres of werksplek te gee nie. Net omdat iemand vir jou hulle s'n gee, beteken nie dat jy joune moet uitdeel nie.

4. Gebruik die "Blok" funksie

'n Gedeelte van die beheer op Opsitkers is die "Blok" knoppie. As jy iemand wil stop daarvan om jou te kontak op Opsitkers, klik eenvoudig op die "Blok Hom/Haar" skakel aan die onderkant van hul profiel en hulle sal uit jou hare wees.

5. Moet NOOIT OOIT geld vir enige iemand stuur nie

Jy sal nie jou kontant vir iemand gee wat jy pas in 'n kroeg of boekwinkel ontmoet het nie, sal jy? Wel, dieselfde reëls is aanlyn van toepassing. As jy gevra word vir geld is iets verkeerd. As dit gebeur, kontak ons asseblief onmiddellik.

6. Is iemand op die werf misbruikend? Rapporteer hulle.

As 'n ander lid se gedrag jou rede tot kommer gee, of as iemand misbruikend is, laat asseblief ons Ondersteuning Span weet. Dit is so maklik as om die "Rapporteer Misbruik" skakel aan die onderkant van hulle profiele te klik. Alle klagtes word met die strengste vertroue behandel en kan onder andere ontaard in die opskorting of verwydering van die oortredende lid se profiel.

7. Vertrou jou voorgevoel

Die kardinale reël van aanlyn (en van lyn af) afsprake is regtig eenvoudig - luister na jou binnestem. As iets verkeerd voorkom of as jy skielik ongemaklik of bedreigd voel, verwyder jouself van die situasie. Vertrou jou voorgevoel.

Verloor jou hart, NIE jou kontant nie

Meeste lede op Opsitkers hoop net soos jy om iemand spesiaal te vind en 'n opregte konneksie te maak, maar net soos in elke ander area van die lewe is hier ook soms 'n vrot appel wat in die mandjie sit en wag om iemand met 'n sagte hart te bedrieg. Die span by Opsitkers wend werklik elke poging aan om hulle op te spoor, te verwyder en dit so moeilik as moontlik te maak om weer terug te keer. Swendelaars is professionele kriminele wat meesters is om hulle spore weg te steek. Hulle sal veral voorstel om liewer te kommunikeer via sosiale netwerk toepe (b.v. Snapchat, Instagram, ens) sommer baie vroeg in 'n gesprek, maar jy sal weet dat jy te doene het met 'n swendelaar wanneer hulle een van die volgende twee metodes aanwend om esktra kontant uit jou te kry:

1. Die reis slenter

Jou aanlyn pasmaat het sy onsterflike liefde aan jou bely (gewoonlik met onvanpaste haas) en al wat nou tussen julle en oneindige geluk lê is 'n paar grense. "Sal dit nie wonderlik wees om te ontmoet en hierdie nuut gevonde liefde te toets nie?" sê die bedrieër. Maar helaas, hy of sy het net nie spaar kontant vir 'n kaartjie/visa/troeteldier oppasser nie. Dis nou waar jy inkom - liefde oorbrug tog alles - selfs die tydelike kontantvloei probleme. Die enigste ding is, sodra die geld oorgedra is, sal die bedrieër soos mis voor die son verdwyn.

2. Die jammerjannie verhaal

Dit het meer kinkels en kabels as 'n sepie - dis drama al die pad, met baie detail. 'n Bietjie té veel, miskien. Partymaal is dit 'n siek ouer of kind wat desperaat 'n operasie nodig het, maar meer dikwels gaan die treurige verhaal oor teleurgestelde hoop. 'n Werksaanbod wat misterieus deur die mat geval en hulle gestrand en pennieloos gelaat het, met 'n groot hotelrekening om te betaal. Daar is altyd die een of ander rede waarom hulle die geld in kontant nodig het.

DIE GOUE REËL: MOET NOOIT, OOIT, OOIT (HET ONS OOIT GENOEM?) GELD STUUR NIE - MAAK NIE SAAK HOE OPREG DIE MARTELGESANG KLINK NIE!

Kontak ons asseblief onmiddelik om enige verdagte gedrag te rapporteer! Ons sal 'n indiepte ondersoek op daardie lid se aktiwiteit doen en jou daarvolgens inlig.

Eerste Afsprake: die moets en die moenies

Eerste afsprake kan wonderlik wees - die afwagting, vlinders en opgewondenheid om iemand te ontmoet met wie jy vuurwerke gehad het op Opsitkers. So veel pret as wat dit kan wees om die volgende stap te neem, onthou om kop te hou, moenie ophou versigtig wees nie.

1. Ontmoet in die publiek

Deur 'n drie-gang maaltyd van niks af by die huis op te tower mag moontlik punte wen, maar dit is beter om 'n gehoor te hê met jul eerste ontmoeting. Beplan jou eerste direkte ontmoeting in 'n publieke plek.

2. Hou dit kort, met die opsie om dit langer te maak

Probeer om die eerste afspraak aan die kort kant te hou. So kan jy wanneer die vuurwerke ontbreek, jouself met grasie uit die voete maak.

'n Koffie of ete afspraak is 'n goeie roep en as die vuurwerke aan jul kant is kan jy altyd die afspraak laat aanloop tot aandete of 'n rolprent.

3. Bel 'n vriend

Maak seker dat ten minste een persoon weet waarheen jy gaan, wie jy ontmoet en hoe lank jy verwag om by die afspraak te wees.

Kry 'n vriend of familielid om jou 'n "reddingsoproep" iewers in die middel van die afspraak te gee. Jy kan die oproep gebruik as 'n verskoning om die afspraak kort te knip as dinge nie so goed gaan nie.

4. Wees onafhanklik

Maak seker dat jy jou eie vervoer het met die eerste afspraak. Moenie afhanklik van jou potensiële pasmaat wees om by die afspraak uit te kom of weer terug te keer nie.

5. Pas jou identiteit ten volle op

Selfs al is julle van-aangesig-tot-aangesig die eerste keer, probeer die volle besonderhede omtrent jou lewe en identiteit terughou. Daar sal meer as genoeg tyd wees om mekaar te leer ken as die afspraak goed afloop.

6. Moenie die huis verlaat sonder jou selfoon nie

Maak seker dat jy jou selfoon by jou het, maak seker dit is gelaai en dat jy jou netwerk se noodnommer ken... net ingeval.

7. Hou jou goed met 'n arendsoog dop

Moenie jou drankie onopgepas los nie en hou jou persoonlike besittings ten alle tye by jou - selfs wanneer jy gou badkamer toe gaan.

8. Oor 'n afstand

As jy iemand gaan ontmoet vêr weg van waar jy woon, maak seker dat jy self jou eie verblyf reel, verkieslik by 'n vriend of familielid. Hou die adres vir jouself. As jy nie verblyf kan reel nie, stel dan eerder die eerste afspraak uit of laat jou potensiële maat dan eerder na jou deel van die wêreld reis.

9. Dis OK om versigtig te wees

Om die waarheid te sê, dis eenvoudig net wys. Dis jou reg om veilig en sekuur te voel in enige sosiale situasie wat jy verkies, so moenie gedruk voel in enige iets wat jou weerloos of ongemaklik laat voel nie.

10. Respekteer persoonlike gren

Fisiese kontak kom met uitdagings, veral op 'n eerste afspraak waar julle mekaar net leer ken. Wat gemaklik voel vir die een persoon, mag dalk indringend voel vir 'n ander. Tot julle seker is van mekaar se grense, is dit beter om versigtig te wees en dinge respekvol te hou. 'n Vriendelike drukkie of 'n soentjie op die wang mag dalk goed wees as julle kommunikasie vooraf hartlik genoeg was om dit te regverdig, maar 'n soen op die lippe behoort beslis vermy te word totdat julle beide gemaklik daarmee voel en dieselfde daaroor voel. Deur dinge stadig te vat, help dit om beide mense die versekering te gee dat hulle gerespekteer word, wat die afspraak vir beide meer genotvol sal maak.